Башҡортостанда төшөрөлгән «Батырҙар ташы» фильмы халыҡ-ара фестивалдә күрһәтелде
Әмир Абдразаҡов исемендәге «Башҡортостан» киностудияһы төшөргән «Батырҙар ташы» фильмы Валентина Леонтьева исемендәге XVII Халыҡ-ара кино һәм телепрограммалар фестивалендә күрһәтелде. Фестиваль Ульяновск өлкәһендә үтте.
Режиссер Роман Пожидаевтың картинаһы Рәсәй төбәктәренең мәҙәни төрлөлөгөн сағылдырған һәм милли кинематограф үҫешенә булышлыҡ иткән заманса эштәрҙе берләштергән «Яңы милли кино» фестиваленең конкурстан тыш программаһында күрһәтелде.
— «Батырҙар ташы» фильмының XVII «Ихлас күңелдән» халыҡ-ара фестивале программаһында ҡатнашыуы «Башҡортостан» киностудияһы өсөн мөһим ваҡиға һәм мәҙәни диалог, милләт-ара бәйләнештәрҙе нығытыу һәм рухи традицияларҙы һаҡлауҙың мөһим ҡоралы булараҡ милли киноның кәрәклеген тағы бер тапҡыр раҫлау булды, — тип белдерҙеләр киностудияла.
Хәтерегеҙгә төшөрәбеҙ, картина мажара һәм фэнтези жанрында төшөрөлгән. Төп герой Руслан кешеләрҙән, мөхәббәттән, һөнәренән күңеле ҡайтҡан, бурысҡа батҡан һәм илдән китергә йыйына. Әммә аэропортта уны Диана туҡтата. Бай спонсор йәштәргә серле артефакт — уҡ башын табырға ҡуша. Әммә уларҙың юлында Кинйә батыр осрай.
Тамашасылар менән осрашыуҙа «Башҡортостан» киностудияһы исеменән кинопродюсер һәм директор Юнир Әминев сығыш яһаны. Ул картинаны төшөрөү, уның тематикаһы һәм тарихи-мәҙәни мираҫты һаҡлау һәм милли киноны популярлаштырыу өсөн ошондай кинопроекттарҙың әһәмиәте тураһында һөйләне. Шулай уҡ Юнир Әминев фестивалдең эшлекле программаһы сиктәрендә уҙған «Төрлөлөктә – берҙәмлек: халыҡтар берҙәмлегендә киноның роле» түңәрәк өҫтәлендә ҡатнашты.
Фекер алышыуҙа жюри ағзалары — режиссерҙар Владимир Грамматиков һәм Владимир Хотиненко, сәнғәт белгесе Татьяна Яковлева, Үҙәк кино музейы директоры Лариса Баженова, Ҡырғыҙстандың Кинематографистар союзы рәйесе Таалайбек Кулмендеев, шулай уҡ Кинематографистар союздары конфедерацияһы вәкиле Алексей Безуглый ҡатнашты. Түңәрәк өҫтәлдең модераторы Ульяновск өлкәһенең мәҙәниәт һәм мәҙәни сәйәсәт министры Евгения Сидорова булды.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.