Өфөлә Рәми Ғарипов исемендәге тәүге миҙалдар тапшырылды
Яҙыусылар союзында Башҡортостандың күренекле халыҡ шағиры иҫтәлегенә булдырылған миҙал менән бүләкләү тантанаһы үтте.
Башҡортостандың Яҙыусылар союзы булдырған әҙәби награда положениеһына ярашлы, миҙал «Башҡортостан әҙәбиәтен үҫтереүгә тос өлөш индергән өсөн» тапшырыла.
– Награда яҙыусыларға ғына түгел, милли әҙәбиәтте үҫтереүгә тос өлөш индергән сәхнә оҫталарына, дәүләт һәм йәмәғәт эшмәкәрҙәренә, сит ил граждандарына ла тапшырыла, – тип белдерҙеләр Башҡортостан Яҙыусылар союзында. – Яҙыусылар союзы идараһы ҡарары менән бөгөн Башҡортостандың мәҙәниәтен, әҙәбиәтен һәм сәнғәтен байытҡан күренекле ижади шәхестәр бүләкләнде.
Рәми Ғарипов миҙалы менән бүләкләнеүселәрҙе республиканың Яҙыусылар берекмәһе рәйесе, Башҡортостандың Дәүләт Йыйылышы – Ҡоролтай депутаты Айгиз Баймөхәмәтов һәм Рәсәйҙең атҡаҙанған журналисы, Дәүләт Йыйылышы депутаты Рәмзиә Кәримова ҡотланы.
Миҙалға Башҡортостандың халыҡ шағирҙары Ҡәҙим Аралбай, Хәсән Назар, Гөлфиә Юнысова, Тамара Ғәниева, Башҡортостандың халыҡ яҙыусыһы Михаил Чванов, шағирә Дилә Булгакова, кинорежиссер Булат Йосопов, Өфө фән һәм технология университетының башҡорт филологияһы һәм шәрҡиәт факультеты деканы Гөлфирә Абдуллина, М. Аҡмулла исемендәге Башҡорт дәүләт педагогия университетының башҡорт филологияһы факультеты деканы Ләйлә Хөсәйенова һәм Салауат районының Арҡауыл ауылындағы Рәми Ғарипов музейы директоры Луиза Хәйретдинова лайыҡ булды.
Бүләкләү тантанаһын Өфө фән һәм технологиялар университетының башҡорт филологияһы, шәрҡиәт һәм журналистика факультеты студенттарының йыр-моңдары, дәртле бейеүҙәре биҙәне. Сара Яҙыусылар йорто фойеһында күмәкләп фотоға төшөү менән тамамланды.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.