Өфөлә «Бүреләр» төркөмөнөң Хор капеллаһы менән берлектәге тәүге концерты була
Концертта «Бүреләр» рок-төркөмөнөң билдәле йырҙары яңғырай. 26 апрелдә Хөсәйен Әхмәтов исемендәге Башҡорт дәүләт филармонияһының Ҙур залында тамашасылар хорға ҡушылып, легендар хиттарҙы йырлай ала.
Өфөнөң мәҙәни тормошонда тарихҡа инерлек ваҡиға көтөлә: башҡорт рогы энергияһы һәм академик хор бөйөклөгө тәүге тапҡыр бер сәхнәлә осраша. Популяр «Бүреләр» рок-төркөмө һәм Башҡортостандың Таһир Сәйфуллин исемендәге Дәүләт академия хор капеллаһы берлектәге программа тәҡдим итә.
«Был үҙенсәлекле эксперимент музыкаль жанрҙар араһындағы ғәҙәти сиктәрҙе юйып, тамашасыларға бөтөнләй яңы яңғыраш бүләк итмәксе. Гитара музыкаһын һөйөүселәрҙең төркөмдөң хиттарын хор башҡарыуында тыңлау мөмкинлеге бар. Академик вокал яратыусылар иһә үҙҙәре өсөн заманса башҡорт рок-поэзияһының энергияһын асырға мөмкин», — тип хәбәр итте «Башинформ» агентлығына филармонияның матбуғат секретары Ирина Захарова.
«Бүреләр» төркөмө быйыл 20 йыллығын билдәләй. Коллектив башҡорт телендә үҙе ижад иткән йырҙарҙы башҡара. Төркөмдөң ижади иҫәбендә өс альбом, республикала һәм унан ситтә фестивалдәр һәм концерттар, фильмдарға һәм спектаклдәргә саундтректар, симфоник оркестр менән концерт бар. Коллектив составында — Илшат Абдуллин (вокал, төркөм етәксеһе), Денис Ибраһимов (гитара), Олег Перепёлкин (гитара), Максим Осадчий (бас-гитара), Семён Конторщиков (һуҡма ҡоралдар).
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.