Өфөлә «Шайморатов генерал» йырының авторы тураһында фильмдың исем туйы була

Өфөлә «Ҡадир Даян» документаль-нәфис фильмының исем туйы була. Эш башҡорт шағиры, яҙыусы, драматург, мөхәррир Ҡадир Даянға арналған (1910-1975). Шиғырҙар һәм поэмалар авторы, шағир-йырсы булараҡ билдәле. Тамашасылар уның Башҡорт драма театрында ҡуйылған  «Таңсулпан» пьесаһын да яратып ҡараны. 

Фильм Башҡортостандың Милли әҙәби музейы фонды материалдары буйынса төшөрөлгән. Режиссерҙары – Гөлсәсәк Саламатова һәм Азат Низаметдинов.

«Был фильм һеҙгә үлемһеҙ йырҙар авторы донъяһына, шул иҫәптән «Шайморатов генерал»ға ишек асыр. Фильмда республикала билдәле артистар ҙа, кескәй йондоҙсоҡтар ҙа төшкән. Уның авторҙары заманса цифрлы реконструкция ысулдары һәм яһалма зиһен ярҙамында уҙған йылдар мөхитен тыуҙырырға тырышты», — тип хәбәр итә сараны ойоштороусылар.

Исем туйы Башҡортостандың «Йәшлек» йәштәр йортоноң конференциялар залында була.

6+

https://www.bashinform.ru/news/culture/2026-02-13/v-ufe-sostoitsya-prezentatsiya-filma-ob-avtore-pesni-shaymuratov-general-4577451