Ғәскәров ансамбле артисы Илшат Фәсхетдинов МХО-ла һәләк булған
Фәйзи Ғәскәров исемендәге дәүләт академия халыҡ бейеүҙәре ансамбле ветераны Илшат Фәсхетдинов махсус хәрби операция барышында һәләк булған. Ауыр яңылыҡты ансамблдең матбуғат хеҙмәтенән хәбәр иттеләр.
Артист менән бәхилләшеү шәмбе, 14 февралдә, иртәнге сәғәт 10-да Ф.Ғәскәров исемендәге дәүләт академия халыҡ бейеүҙәре ансамбленең концерт залында уҙа.
Фәсхетдинов Илшат Ридик улы 1972 йылдың 10 февралендә тыуған. Уның яҙмышы бәләкәйҙән үк сәнғәт менән бәйле. Башҡорт хореография училищеһында (хәҙер Рудольф Нуриев исемендәге Башҡорт хореография колледжы) һөнәри белем алғас, Фәйзи Ғәскәров исемендәге халыҡ бейеүҙәре ансамбле сафын тулыландыра, унда оҙаҡ йылдар талантлы балет артисы булып эшләй.
Илшат Фәсхетдинов Башҡортостандың сағыу артистар династияһын лайыҡлы дауам итте. Уның ата-әсәһе күп йылдар Башҡорт халыҡ бейеүҙәре ансамблендә эшләне. Атаһы – Ридик Фәсхетдинов, БАССР-ҙың халыҡ артисы, РСФСР-ҙың атҡаҙанған артисы, виртуоз баянсы ине. Әсәһе Эльза Ғәббәсова, Башҡортостан Республикаһының атҡаҙанған мәҙәниәт хеҙмәткәре, үҙ ғүмерен бейеүгә бағышланы. Атаһының ҡустыһы – Әхәт Әхмәт улы Фәсхетдинов, БАССР-ҙың атҡаҙанған артисы, РСФСР-ҙың атҡаҙанған мәҙәниәт хеҙмәткәре, Башҡорт халыҡ бейеүҙәре ансамбленең солисы, ә һуңыраҡ директоры булды. Хәҙер ғаилә традицияһын Илшат Фәсхетдиновтың улы Рияз дауам итә, әлеге ваҡытта ул – Р.Нуриев исемендәге Башҡорт хореография колледжы студенты.
2024 йылдың сентябрендә Илшат Фәсхетдинов үҙ теләге менән махсус хәрби операция биләмәһенә юллана. Хәрби бурыстарҙы үтәү барышында ул фажиғәле һәләк була, оҙаҡ ваҡыт хәбәрһеҙ юғалған тип иҫәпләнә.
«Башинформ» мәрхүмдең туғандарының һәм яҡындарының ауыр ҡайғыһын уртаҡлаша.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.