Башҡортостанда Бабич исемендәге йәштәр премияһы лауреаттары билдәле булды

15 декабрҙә Республика йортонда Шәйехзада Бабич исемендәге республика дәүләт йәштәр премияларын тапшырыу буйынса комиссия ултырышы үтте. Конкурс комиссияһы 2023 һәм 2024 йылдарҙа донъя күргән эштәрҙе баһаланы. Ултырыш Башҡортостан Башлығы хакимиәте етәксеһе вазифаһын башҡарыусы Искәндәр Әхмәтвәлиев рәйеслегендә үтте.

Комиссия йәшерен тауыш биреү юлы менән өс еңеүсене билдәләне:

• Дамир Тайыпов — «Юғары һөнәри ҡаҙаныштары һәм вокал сәнғәте өлкәһендә башҡорт музыкаһын пропагандалағаны өсөн»;
• Заһиҙә Мусина һәм Рәзинә Урманшина – Кемель Токаевтың «Серле эҙ» китабына художестволы тәржемә һәм заман милли прозаһы үҫешенә индергән өлөшө өсөн»;
• Хәбир Аралбаев — «Башҡорт халыҡ-сәхнә бейеүе өлкәһендә солист булараҡ хеҙмәте һәм Башҡортостандың милли мираҫы булараҡ башҡорт хореография сәнғәтен үҫтергәне өсөн”.

 https://www.bashinform.ru/news/culture/2025-12-15/v-bashkirii-nazvali-imena-obladateley-molodyozhnyh-premiy-imeni-babicha-4508496