Алмас Әмиров Башҡортостандың Театр эшмәкәрҙәре союзы рәйесе итеп һайланды

Рәсәйҙең атҡаҙанған артисы, Башҡортостандың халыҡ артисы, Мәжит Ғафури исемендәге Башҡорт дәүләт академия драма театры артисы, Шәйехзада Бабич исемендәге дәүләт йәштәр премияһы лауреаты Алмас Әмиров Башҡортостан Театр эшмәкәрҙәре союзының яңы рәйесе итеп тәғәйенләнде. Союздың отчет-һайлау съезында күпселек тауыш менән ошондай ҡарар ҡабул ителде.

Алмас Хәҙис улы башҡа ижади союздар, министрлыҡ, хөкүмәт һәм киң мәғлүмәт саралары менән бәйләнеш булдырыу, республиканың театр тормошон үҫтереү, ҡыҙыҡлы проекттарҙы тормошҡа ашырыу һәм берлектәге эште ойоштороу төп маҡсат булыуын билдәләне. Яңы рәйес аныҡ бурысты ла атаны – Башҡортостандың Театр эшмәкәрҙәре союзы бинаһын (Актерҙар йортон) реконструкциялап, уны заманса мәҙәни башланғыстар үҙәгенә әйләндереү.

Алмас Әмиров рәйес вазифаһында Әхтәм Абушахмановты алмаштырҙы. 1999 йылдан етәкселек иткән Әхтәм Әхәт улы Халыҡтар дуҫлығы ордены менән бүләкләнде.

https://www.bashinform.ru/news/culture/2025-11-28/predsedatelem-soyuza-teatralnyh-deyateley-bashkirii-stal-almas-amirov-4484940