Өфөнән AY YOLA төркөмө Мәскәүҙең төп сәхнәләренең береһендә йырсы, Башҡортостандың һәм Татарстандың халыҡ артисы Алһыу менән дуэт йырланы. Улар бергәләп башҡорт фольклоры классикаһын – «Ай, былбылым» йырын башҡарҙы.
— «Ай, былбылым»дың тамырҙары менән «Урал батыр» эпосына барып тоташҡан көйө күңелгә үтеп инерлек, ул күптән Башҡортостанда ла, Татарстанда ла яратҡан халыҡ йырына әүерелде, – тип һөйләне артистар.
Бынан алдараҡ AY YOLA төркөмө «Интервидение» конкурсын ябыу тантанаһында сығыш яһағайны.