Башҡортостан Башлығы: «Милли мәҙәниәтте үҫтереү — дәүләт бурысы»

Башҡортостанда милли мәҙәниәт үҫешә, һуңғы йылдарҙа ғына республикабыҙҙа Милли кейем көнө, Бейеү көнө, Ҡурай көнө, «Урал батыр» эпосы көнө, «Башҡорт аты» фестивале һәм башҡа әһәмиәтле даталар билдәләнә башланы. Был йәһәттән республика Башлығы йәмғиәттән нимә көтә? Ошо һорауҙы Радий Хәбировҡа тура бәйләнеш барышында халыҡ артисы Миңлеғәфүр Зәйнетдинов бирҙе.

«Традицияларҙы, милләт, тел, халыҡтар мәҙәниәте үҙенсәлектәрен һаҡлау — беҙ алып барған дәүләт сәйәсәтенең бер өлөшө. Айырыуса шуны билдәләргә кәрәк: беҙ башҡорт кейеме көнөн түгел, ә Милли кейем көнөн иғлан иттек, шуға күрә был милләт-ара татыулыҡ, дуҫлыҡ, конфессия-ара мөнәсәбәттәр һәм башҡалар буйынса эштең мөһим өлөшө булып тора. Был эшебеҙ булмағандан уйлап тапҡан нәмә түгел, ә ҙур дәүләт бурысы. Был йәһәттән ыңғай һөҙөмтә бар тип иҫәпләйем. Иң мөһиме, кешеләр быға ынтыла. Милли кейем көнөндә кешеләрҙең селфи яһауын һәм һалыуын ҡарағыҙ», – тине Радий Хәбиров.

https://www.bashinform.ru/news/culture/2025-11-11/radiy-habirov-ob-yasnil-pochemu-v-bashkirii-poyavlyayutsya-novye-prazdnichnye-daty-4462895