Башҡортостандан 20 йәшлек модель Ҡытайҙа халыҡ-ара матурлыҡ конкурсында ҡатнаша

Республикабыҙ исеменән «Мисс туризм Башҡортостан -2025» төбәк конкурсында еңеү яулаған 20 йәшлек Ника Кухаревич ҡатнаша. Ҡыҙ юрист һөнәренә уҡып йөрөй.

— Конкурстың кимәле хайран ҡалдыра. Һәр аралыҡ этапҡа меңәрләгән тамашасы килә, ҙур сәхнәләр ҡуйыла, ә ҡатнашыусылар сыҡҡан саҡта фейерверктар балҡый, — тип һөйләне «Башинформ»ға Луиза Закирйәнова. — Конкурсты ойоштороусылар ҡатнашыусыларҙы Ҡытай йолалары менән таныштыра һәм үҙ илдәренең традицияларын күрһәтеү өсөн майҙансыҡ бирә. Халыҡтар араһында ҡеүәтле мәҙәни алмашыу бара.

Конкурсты ойоштороусылар булып Ҡытай Халыҡ Республикаһы хөкүмәте һәм туризм министрлығы сығыш яһай. Донъяның төрлө илдәренән килгән 80-дән ашыу ҡыҙҙар өсөн Ҡытай ҡалалары буйлап экскурсиялар, оҫталыҡ дәрестәре ойошторола, фотоға һәм видеоға төшөрәләр. Һәр ҡалала төрлө этаптар үткәрелә, мәҫәлән, милли кейемдә дефиле, талант конкурсы, бикиниҙа дефиле һәм башҡалар.

https://www.bashinform.ru/news/culture/2025-09-30/20-letnyaya-model-predstavlyaet-bashkiriyu-na-konkurse-miss-turizm-mira-2025-4407517