Йәштәр көнөндә Ағиҙел буйында эстрада йондоҙҙары сығыш яһай

Elman, BABY Ti, Марат Яруллин һәм Inst Rinna Башҡортостан йәштәре өсөн сығыш яһай. Концерт Рәсәйҙә Йәштәр көнө уңайынан ойошторола.

Байрам шәмбе, 28 июндә, Ағиҙел йылғаһы буйында («Торатау» конгресс-холы амфитеатрынан аҫтараҡ) була.

Башҡортостандың йәштәр сәйәсәте министры Вито Сабиров социаль селтәрҙәге сәхифәһендә хәбәр итеүенсә, йәштәрҙе VR-зона һәм төрлө уйындар, билдәле блогерҙар һәм популяр артистар менән осрашыу, аниме-косплей зона, автотауыш һәм тюнинг күргәҙмәһе, фәнни слэм һәм йәштәр маркеты көтә.

Республиканың йәштәр сәйәсәте министрлығы был байрамды йәштәр, шул иҫәптән уҡыусылар, студенттар, сығарылыш уҡыусылары өсөн үткәрә.

Көндөҙгө сәғәт 3-тә башлана, инеү ирекле.

12+

https://www.bashinform.ru/news/culture/2025-06-18/na-naberezhnoy-ufy-zvezdy-estrady-vystupyat-s-kontsertom-ko-dnyu-molodyozhi-4280020