Өфөлә республикабыҙҙан МХО-ла ҡатнашыусылар тураһында спектакль ҡуйыла
15 майҙа Мостай Кәрим исемендәге Милли йәштәр театрында хәҙерге заман геройҙары тураһында «Бер ғүмер етмәй икән…» спектакле сәхнәләштерелә. МХО-ла ҡатнашыусыларҙың ысын тарихына нигеҙләнеп яҙылған әҫәр буйынса спектакль яугирҙәрҙең батырлығына асыҡ дәлил булып тора.
Еңеү көнөнә арналған саралар барышында спектаклде йыл ярымдан ашыу хәрби хәрәкәттәр зонаһында хеҙмәт иткән Башҡортостан Республикаһы Башлығы хакимиәте етәксеһе вазифаһын башҡарыусы Азат Бадранов та ҡараны.
«Фронтта беҙ үлем тураһында һөйләшмәйбеҙ. Гел уйлап йөрөйһөң, әммә һөйләмәйһең. Был насар билдә. Спектакль йөрәккә үтеп инде. Һәр күренеш шәхси ассоциациялар тыуҙырҙы. Хеҙмәт иткән ваҡыттағы тулҡынландырғыс мәлдәр иҫемә төштө. Ҡарауы еңел булманы, сөнки күп геройҙар күңелемә яҡын. Айырыуса үҙем яҡшы белгән Носорог персонажы иҫтә ҡалды. Батыр йөрәкле шәхес ине. Спектаклде төшөрөүселәргә ҙур рәхмәт, ул бик кәрәк һәм мөһим», — тине Азат Бадранов спектаклдән һуң.
Спектаклдең премьераһы быйыл февраль айында үтте. Сәхнәлә МХО геройҙары, яугирҙәре терелә. Бөтә прототиптар ҙа реаль тормоштан алынған. «Герой», «Хакер», «Историк», «Сәсән», «Иман» һәм «Малыш» позывнойлы геройҙарҙың яҙмыштары, тоғролоғо һәм эш-ҡылыҡтары аша һуғыштың ысын йөҙө асыла. Яҙыусы, сценарий һәм ошондай уҡ исемле китап авторы Мөнир Ҡунафин һүҙҙәренсә, спектаклдә Башҡортостан яугирҙәренең данлы хәрби юлы сағылдырыла. Ысын геройҙар рухын, хәрби туғанлыҡты тойҙом, был һуғыштың нисек башланғанын һәм ни өсөн барғанын күрһәтергә кәрәк ине, тип билдәләне ул.
Бынан алдараҡ «Башинформ» Башҡортостанда МХО-ға бағышланған әҫәрҙәр реестрын булдырыуҙары хаҡында хәбәр иткәйне.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.