Өфөлә композитор Рим Хәсәнов яңы пьесаһын Фидан Ғафаровҡа бағышлаған
Мәжит Ғафури исемендәге Башҡорт драма театрында Рәсәйҙең һәм Башҡортостандың халыҡ артисы Фидан Ғафаров менән бәхилләшеү сараһында композитор Рим Хәсәнов сығыш яһаны. Хәтерегеҙгә төшөрәбеҙ, Рим Мәхмүт улының Фидан Сафа улы башҡарыуындағы «Өфө йүкәләре», «Ҡышҡы романс» (Назар Нәжми һүҙҙәренә яҙылған) һәм башҡа йырҙары күп быуындар өсөн хитҡа әүерелде.
Матәм сараһында Башҡорт АССР-ның атҡаҙанған сәнғәт эшмәкәре, Башҡортостандың халыҡ артисы, Өфөнөң почетлы гражданы Рим Хәсәнов коллегаһы иҫтәлегенә яҙған «Фидан» исемле инструменталь пьесаһы аҫтында сыҡты.
— Бер ҡасан да көнләшмәгән ғәжәйеп кешеләр бар. Фидан Сафа улы – бәхет кешеһе, — тине Рим Хәсәнов. — Спектаклдәрҙә, телевидениела йәки концерттарҙа сәхнәгә сығып йырлағанда кешеләргә бәхет бүләк итә ине. Сәхнәлә шундай яҡты, талантлы, даһи кешене күреп, күптәрҙең яҙмышы ла үҙгәргәндер, бәлки. Миңә СССР-ҙың Композиторҙар союзы пленумдарында булырға тура килде, хатта шул ваҡытта Үзбәкстан, Тажикстан, Азербайжан, Белоруссиянан коллегалар менән осрашҡанда уларҙың кассеталарында Фидан Сафа улының бер-ике йыры бар икәнен күргәнем булды. Совет осоронда уҡ Фидан Ғафаров СССР-ҙа һәм унан ситтә лә билдәле ине, сөнки яҡташтарыбыҙ төрлө төбәктәрҙә йәшәй. Миңә Фидан тураһында үткән заманда һөйләүе бик ауыр, ул мәңгегә беҙҙең күңелдәрҙә ҡалыр.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.