Бөгөн республикала Милли кейем көнө билдәләнә

Бөгөн, 18 апрелдә, Башҡортостанда республика халыҡтарының Милли кейеме көнө билдәләнә. Был байрам 2020 йылдан башлап Башҡортостан Республикаһы Башлығы Радий Хәбиров башланғысы менән йылына ике тапҡыр — апрелдең өсөнсө йомаһында һәм сентябрҙең икенсе йомаһында билдәләнә.

Мәҙәниәт министрлығы һәм Өфө ҡалаһы мэрияһы ҙур программа әҙерләгән. Теләгән һәр кем ошо сараларҙа ҡатнаша ала.

«Был көндө беҙ мәҙәниәтебеҙҙе, ата-бабаларыбыҙҙың бай мираҫын, тарихын һәм ғөрөф-ғәҙәттәрен күрһәтәбеҙ, — тип яҙа Башҡортостандың мәҙәниәт министры Әминә Шафиҡова  социаль селтәрҙәге сәхифәһендә. — Һәр костюм – быуаттар буйына дуҫ, татыу йәшәгән республика халыҡтарының үҙенсәлеген сағылдыра. Милли кейем көнө менән!Милли кейем көнө менән!»

Бынан алдараҡ «Башинформ» Башҡортостанда Милли кейем көнө уңайынан саралар ойошторола тип хәбәр иткәйне.

https://www.bashinform.ru/news/culture/2025-04-18/v-bashkirii-otmechaetsya-den-natsionalnogo-kostyuma-narodov-respubliki-4203383