Яҙыусы Яныбай Хамматовтың 100 йыллығына почта конверттары сығарыла
Башҡортостанда Яныбай Хамматовтың 100 йыллығына яҙыусы төшөрөлгән маркалы почта конверттары сығарыла. Был хаҡта республиканың мәҙәниәт министры Әминә Шафиҡова һөйләне.
«Федераль почта элемтәһенең Башҡортостан идаралығы Яныбай Хамматов төшөрөлгән конверт сығарырға әҙерләнә, уның тиражы – 50 мең дана», — тине Әминә Шафиҡова башҡорт яҙыусыһы Яныбай Хамматовтың тыуыуына 100 йыл тулыуға бағышланған сараларҙы әҙерләү һәм үткәреү буйынса ойоштороу комитеты ултырышында.
Әминә Шафиҡова һүҙҙәренсә, конверттарҙың февраль башында нәшер ителеүе көтөлә, беренсе партия Башҡортостанға килә. «Яңыбай Хамматов» почта конвертының презентацияһы һәм почта мисәтен һуғыу тантанаһы 13 февралдә республиканың Милли китапханаһында Федераль почта элемтәһе идаралығы һәм Яҙыусылар союзы ҡатнашлығында була.
Кәңәшмәне алып барған республика хөкүмәте премьер-министрының беренсе урынбаҫары Урал Килсенбаев Башҡортостанда Яҙыусылар союзына ҙур иғтибар бүленеүен билдәләне.
«Уҙған йылда ойошма урынлашҡан бинаны реконструкциялау эштәре башланды. Яңыраҡ республика Башлығы Радий Хәбиров төҙөлөш эштәренең барышы менән танышты һәм Яҙыусылар союзы ҡаршыһында аллея булдырыу пландары менән уртаҡлашты. Яңыртылған бина һәм аллея «Китап байрамы» фестивале барышында асыла. Быйыл тағы ла бер сағыу ваҡиға көтөлә. Күренекле яҙыусы Яныбай Хамматовтың тыуыуына 100 йыл тулыуҙы билдәләйбеҙ. Башҡортостан Башлығы Радий Хәбиров тейешле Указға ҡул ҡуйҙы», — тине Урал Килсенбаев.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.