Өфөлә шағирә Факиһа Туғыҙбаеваның 75 йыллығы уңайынан түңәрәк өҫтәл үткәрелә
Башҡортостандың Милли әҙәбиәт музейы Әхмәтзәки Вәлиди исемендәге Милли китапхана һәм Яҙыусылар союзы менән берлектә халыҡ шағиры Факиһа Туғыҙбаеваның тыуыуына 75 йыл тулыуға арналған «Фатихамды бирәм һиңә» тигән түңәрәк өҫтәл үткәрә.
Факиһа Туғыҙбаева 1950 йылдың 1 ғинуарында Бүздәк районының Бәләкәй Ҡаңны ауылында тыуған. «Башҡортостан пионеры» гәзите, «Пионер» журналы редакцияһында эшләгән. 1991-2010 йылдарҙа – «Аҡбуҙат» журналының беренсе баш мөхәррире. Ул 25-тән ашыу шиғри йыйынтыҡ, балалар өсөн 10-дан ашыу йыйынтыҡ авторы. Китаптары башҡорт, рус, татар, төрөк телдәрендә донъя күргән.
Түңәрәк өҫтәл эшендә Башҡортостандың халыҡ шағирҙары Ҡәҙим Аралбай, Гөлфиә Юнысова, Марсель Сәлимов, Мостай Кәрим исемендәге фонд етәксеһе Әлфиә Кәримова, Башҡортостандың Яҙыусылар союзы рәйесе Айгиз Баймөхәмәтов, «Аҡбуҙат» журналының баш мөхәррире Лариса Абдуллина, яҙыусылар һәм шағирҙар Фәрзәнә Аҡбулатова, Фәрзәнә Ғөбәйҙуллина, Миңлегөл Хисамова, әҙәбиәтселәр Зәки Әлибаев, Фәнзил Санъяров, Флүр Сибәғәтов ҡатнаша.
«Фатихамды бирәм һиңә» түңәрәк өҫтәле сиктәрендә Башҡортостандың Милли әҙәбиәт музейы халыҡ шағиры Факиһа Туғыҙбаеваның тормошона һәм ижадына арналған күргәҙмә ойоштора. Экспозицияға Әҙәбиәт музей фондынан авторҙың документтары, фотоһүрәттәре, шәхси әйберҙәре һәм китаптары ҡуйыла. Был материалдар Факиһа Туғыҙбаеваның тормош юлын, уның шиғри мираҫын һәм башҡорт поэзияһын үҫтереүгә индергән өлөшөн тәрәнерәк аңларға ярҙам итәсәк.
Шулай уҡ Милли китапхана Факиһа Туғыҙбаеваның «Яҡты, ялҡынлы ижад. Халыҡ шағиры Факиһа Туғыҙбаеваға – 75 йәш» тигән китаптар күргәҙмәһен әҙерләй.
6+
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.