Башҡортостанда Дәүләт ҡурайсылар ансамбленең иң яҡшы логотибына конкурс иғлан ителде
Хөсәйен Әхмәтов исемендәге Башҡорт дәүләт филармонияһы Дәүләт ҡурайсылар ансамбле логотибының иң яҡшы дизайнына конкурс иғлан итте.
Логотип башҡорт халҡының милли символы ҡурайҙы милли һәм халыҡ-ара кимәлдә популярлаштырыуға, Дәүләт ансамблен танытыуға һәм тамашасыларҙы йәлеп итеүгә йүнәлтелгән. Еңеүсенең эше документтарҙа, рәсми сараларҙа һәм реклама материалдарында файҙаланыласаҡ. Дәүләт ансамбленең логотибы, Башҡортостандың милли символы булараҡ, коллективтың бай мәҙәни мираҫты һаҡлауға ынтылышын күрһәтергә тейеш.
«Был конкурста профессиональ дизайнерҙар, рәссамдар, шулай уҡ креатив дизайн-студиялар ҡатнаша ала. Йәшәгән урынына һәм йәшенә ҡарамайынса, айырым кешеләр ҙә, командалар ҙа ҡатнашырға мөмкин. Логотиптың дизайны үҙенсәлекле, иҫтә ҡалырлыҡ булырға тейеш», — тип хәбәр иттеләр филармонияла.
Һәр ҡатнашыусынан йәки команданан ике генә эш ҡабул ителә. Конкурсҡа ғаризаларҙы 2025 йылдың 31 ғинуарына (урындағы ваҡыт буйынса киске 6-ға) тиклем reklama@yandex.ru электрон почтаһына ебәрергә кәрәк. Ошо көндән һуң килгән ғаризалар ҡаралмай.
Конкурс эштәренә дизайн өлкәһендәге эксперттарҙан, рәссамдарҙан һәм Дәүләт ансамбле вәкилдәренән торған конкурс комиссияһы баһалай. Еңеүсе проектты эксперт комиссияһы һайлай. Еңеүсегә 30 000 һум аҡса тапшырыла.
Еңеүсе рәсми рәүештә 2025 йылда иғлан ителә.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.