Салауат Юлаев һәйкәлен һаҡлау проекты Баш дәүләт экспертизаһы һығымтаһын алды
Федераль әһәмиәттәге мәҙәни мираҫ объектын - Салауат Юлаев һәйкәлен һаҡлау проекты Баш дәүләт экспертизаһының ыңғай һығымтаһын алды. Был хаҡта ведомствоның матбуғат хеҙмәте хәбәр итә.
«Килеп тыуған хәлдә реставрация эштәрен оҫтахана шарттарында ғына башҡарырға мөмкин. Бының өсөн скульптураны һүтеү буйынса ҡарарҙар әҙерләнде. Мәҙәни мираҫ объектын һаҡлау өсөн тейешле саралар комплекслы ғилми тикшеренеүҙәр нигеҙендә ҡабул ителде», – тине Рәсәйҙең баш дәүләт экспертизаһы эксперты Кирилл Кунаков.
Бынан тыш, мәҙәни мираҫ объекты биләмәһе сиктәрендә төҙөкләндереү планлаштырыла.
Башҡортостандың баш ҡалаһында шағир һәм милли батырыбыҙ Салауат Юлаевҡа һәйкәл 1967 йылдың ноябрендә асылған. Бөгөн 40 тоннаға яҡын ауырлыҡтағы суйын скульптура Рәсәйҙә иң ҙур ат статуяһы булып тора. Гранит постаменты менән бергә уның бейеклеге 14 метрға етә.
Салауат Юлаев һәйкәленең авторы - совет скульпторы Сосланбәк Тавасиев (1894 - 1974). Монумент ҡаланың Ағиҙел йылғаһы буйында урынлашҡан. Әлеге ваҡытта уның техник торошо авария хәлендә тип баһалана.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.