Өфөнән студент ҡыҙ Азия – Себер һылыуҡайы исемен яуланы
Красноярскиҙа XVIII «Азия – Себер 2024» милләт-ара һәләт һәм матурлыҡ конкурсына йомғаҡ яһалды. М.Аҡмулла исемендәге Башҡорт дәүләт педагогия университетының башҡорт филологияһы факультетынан Айзилә Буранова гүзәллек конкурсы еңеүсеһе тип танылды һәм «Азия – Себер һылыуҡайы 2024» исеменә лайыҡ булды.
Айзилә конкурста башҡорт милли мәҙәниәте менән таныштырҙы. Сибәр ҡыҙ бала саҡтан йыр-бейеү, һүрәт төшөрөү һәм ҡул эштәре менән шөғөлләнә, башҡорт хоккейы көйәрмәне, 2022 йылда – Башҡорт дәүләт педагогия университетының беренсе вице-мисс, 2023 йылда иһә «Башҡортостан гүзәле»нең беренсе вице-мисс исемен яуланы. Айзиләнең тормош кредоһы – «Үҙеңә ышан, һәм бар хыялдарың тормошҡа ашыр!».
Айзилә әйтеүенсә, уның ғаилә традициялары – мөхәббәт, бер-береңде аңлау һәм бәхет. Балаларҙы яратыу, ололарҙы ихтирам итеү, ата-бабаларға хөрмәт башҡорт мәҙәниәтенең һәм йолаларының нигеҙе булып тора. Ошондай конкурстарҙа ҡатнашыу үҙеңдең көсөңдө һынап ҡарарға һәм һәләтеңде күрһәтергә мөмкинлек бирә.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.