Башҡортостанда Рауил Шаммасовтың тыуыуына 95 йыл тулыуҙы билдәләйҙәр

Республикала Башҡортостандың халыҡ шағиры, прозаик, журналист, педагог, йәмәғәт эшмәкәре Рауил Шаммасовтың тыуыуына 95 йыл тулыуҙы билдәләргә әҙерләнәләр. Башҡортостан Башлығының 8 октябрҙә ҡул ҡуйылған указы рәсми хоҡуҡи мәғлүмәт порталында баҫылған.

Әлеге башланғыс менән республиканың Яҙыусылар союзы сығыш яһаны. Башҡортостан хөкүмәтенә сараларҙы үткәреү планын әҙерләү һәм раҫлау, ойоштороу комитетын төҙөү бурысы йөкмәтелде.

Был указдың үтәлешен республика хөкүмәте премьер-министрының беренсе урынбаҫары вазифаһын башҡарыусы Урал Килсенбаев контролдә тота.

Башинформ хәбәр иткәнсә, Рауил Шаммасов 94-се йәшендә арабыҙҙан китте. Ул тыуған төйәге Стәрлебашта ерләнгән.

https://www.bashinform.ru/news/culture/2024-10-15/v-bashkirii-otprazdnuyut-95-letie-so-dnya-rozhdeniya-ravilya-shammasova-3968542