Башҡортостанда республика халыҡтарының Милли кейеме көнө билдәләнә

Йыл һайын сентябрҙең икенсе йомаһында Башҡортостанда республика халыҡтарының Милли кейеме көнө билдәләнә. Быйыл байрам 13 сентябргә тура килә.

Республика халыҡ ижады үҙәге Милли кейем көнөнә арналған флешмобҡа ҡушылырға саҡыра. Бының өсөн социаль селтәргә милли кейемдә тәбиғәт һәм архитектура ҡомартҡылары янында төшкән фотолар һалырға, халыҡ ижады элементтары менән  видеоролик яҙҙырырға тәҡдим ителә. Халыҡ йырҙарын, бейеүҙәрен башҡарырға , музыка ҡоралдарында уйнарға мөмкин.

Яҙмаға #МКРБ #ЭтноСтильРЦНТ #деньнациональногокостюма хештегтарын ҡуйырға онотмағыҙ. Флешмоб 15 сентябргә тиклем бара.

https://www.bashinform.ru/news/culture/2024-09-04/v-bashkirii-otmetyat-den-natsionalnogo-kostyuma-narodov-respubliki-3912005