«Башҡорт аты» халыҡ-ара фестиваленә 10 меңдән ашыу кеше килеүе көтөлә
Быйыл «Башҡорт аты» халыҡ-ара башҡорт тоҡомло аттар фестивале өсөнсө тапҡыр уҙғарыла. Башҡортостан хөкүмәте кәңәшмәһендә БР Башлығы хакимиәте етәксеһенең эске сәйәсәт буйынса беренсе урынбаҫары Азат Бадранов һөйләүенсә, фестиваль программаһы дүрт бүлектән тора.
Беренсе бүлектә йылҡы ите, шулай уҡ ауыл хужалығы тауарҙары күргәҙмә-йәрминкәһе тәҡдим ителәсәк. Йәрминкәгә «Хәләл» стандарты буйынса эшләгән Башҡортостан етештереүселәре саҡырылған.
Икенсе бүлек – эшлекле программа. 15 августа «Евразияның абориген йылҡы тоҡомдарын һаҡлау һәм үрсетеү» халыҡ-ара фәнни-ғәмәли конференцияһы, «Ат спортында башҡорт атын ҡулланыу: яңы үҫеш этабы» семинары, «Ирәндек» туристик-рекреацион кластерының мастер-планын әҙерләү һәм Урал аръяғында туризмды үҫтереү буйынса модерацион осрашыу үтәсәк.
Өсөнсө һәм дүртенсе бүлектәр ижадҡа һәм спортҡа арнала. Ижади бүлектә Башҡортостандың үҙешмәкәр коллективтары һәм сәнғәт оҫталары ҡатнашлығында театрлаштырылған тамаша һәм концерт программаһы, интерактив этнографик майҙансыҡтар, биҙәү-ҡулланма ижады оҫталары күргәҙмәләре ойошторола. Башҡорт ҡурсаҡ театры фестиваль өсөн махсус интерактив спектакль әҙерләгән.
Быйыл спорт саралары һаны артҡан. Улар араһында милли көрәш, мас-рестлинг, самбо буйынса республика, арҡан тартышыу буйынса төбәк-ара турнирҙар бар. Шулай уҡ «Таш ырғытыу», «Таш күтәреү», «Тарт-эт», « Тартыш», «Таш күсереү», «Ирәндек мәргәне» йәйәү һәм һыбай килеш традицион яндан уҡ атыу асыҡ республика турниры, Эльбрус Ниғмәтуллин командаһы ойошторған «Урал батыр» халыҡ-ара бәһлеүәндәр турниры ойоштороласаҡ. Бынан тыш, быйыл ГТО нормативтарын тапшырыу өсөн майҙансыҡ булдырыласаҡ. Төп программала «Тай-тулаҡ», «Ауҙарыш», Ашаҡ» ярыштары тәҡдим ителә. Бынан тыш, 6 төр ат сабышы планлаштырыла. Алдағы йылдарҙағы кеүек, төп бүләк – автомобиль.
– Унда йыл һайын ниндәйҙер инфраструктура булдырырға килештек. Әйҙәгеҙ, фестиваль барышында тағы ла нимә эшләргә кәрәклеген урында ҡарайыҡ, – тине республика Башлығы. – Туризм министрлығының бында эшләүе ғәҙел. Өфө халҡы сағыу байрам ҡарарға барасаҡ. Шуға күрә унда «Башҡорт оҙон ғүмерлелеге» кеүек проекттарҙы ла ҡуйығыҙ, эшләһендәр. Сөнки был, ысынлап та, сағыу ваҡиға. Беренсе йылда беҙҙең шиктәр бар ине. Ә хәҙер беҙ өсөнсө тапҡыр ойошторабыҙ.
Автор: Ләйсән Закирова
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.