Силәбе өлкәһендә II башҡорт мәҙәниәте фестивале үткәрелә
Силәбе өлкәһенең Ҡоншаҡ районы Баязит ауылында 21 июлдә икенсе «Башҡорт иле» башҡорт мәҙәниәте фестивале ойошторола. Бында милли фольклор донъяһына сумырға, ҡурай моңдарын тыңларға һәм башҡорт егеттәренең дәртле бейеүҙәрен ҡарарға мөмкин.
Фестивалдә Силәбе өлкәһенең «Ҡурай» ҡоролтайы» йәмәғәт ойошмаһы милли орнаменттар менән биҙәлгән тирмә күрһәтә, бында башҡорт аш-һыуҙарынан ауыҙ итергә лә мөмкин, шулай уҡ этнографик күргәҙмә ойошторола. Ҡоролтай рәйесе Рәйес Ғабдуллин һүҙҙәренсә, фестиваль Силәбе өлкәһе менән Башҡортостан араһында төбәк-ара бәйләнештәрҙе нығыта, киң даирәгә башҡорттарҙың йолалары һәм ғөрөф-ғәҙәттәре менән танышырға мөмкинлек бирә.
Байрам программаһында оҫталыҡ дәрестәре, милли кейемдәр һәм биҙәүестәр күргәҙмәләре, балалар уйындары ҡаралған. Сараға Силәбе өлкәһенән йөҙҙән ашыу ҡунаҡ саҡырылған. Ҡатнашыусылар эстрада, башҡорт халыҡ йырҙарын башҡара. Фестиваль яланда киске концерт һәм дискотека менән тамамлана, тип хәбәр иттеләр Силәбе өлкәһенең «Ҡурай» ҡоролтайы» йәмәғәт ойошмаһынан.
Фестивалде ойоштороусы булып Ҡоншаҡ районы хакимиәте ярҙамында «Йондоҙ» продюсер үҙәге сығыш яһай. Сара башҡорт халҡының традицияларын тергеҙеү һәм үҫтереү, башҡорт халыҡ ижадын популярлаштырыу өсөн үткәрелә. Фестивалгә өлкә, Башҡортостан һәм Мәскәүҙең билдәле үҙешмәкәр коллективтары һәм башҡарыусылары саҡырылған.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.