Өфөлә II «Көҙ романтикаһы» фестивалендә сәхнә йондоҙҙары сығыш яһай

Август аҙағында өфөләрҙе II «Көҙ романтикаһы» классик музыка фестивале көтә. Баш ҡалабыҙҙың 450 йыллығына бағышланған сара 22-24 августа Совет майҙанында ойошторола.

Башҡортостан Дәүләт оркестрының матбуғат хеҙмәте хәбәр итеүенсә, 22 августа фестивалде асыу тантанаһында баш дирижер, Башҡортостандың халыҡ артисы Дмитрий Крюков етәкселегендәге Башҡортостан Республикаһының дәүләт академия симфоник оркестры, Рәсәйҙең халыҡ артисы, пианист Денис Мацуев, Рәсәйҙең атҡаҙанған артисы, Башҡортостандың халыҡ артисы Илдар Абдразаҡов һәм Рәсәйҙең атҡаҙанған артисы, Башҡортостандың алыҡ артисы Асҡар Абдразаҡов ҡатнаша.

Фестивалдең икенсе көнөндә дирижер Камалетдин Уринбаев етәкселегендәге Үзбәкстан Республикаһының Дәүләт симфоник оркестры сығыш яһай. Солистар: Бегисбай Темирбаев (тенор), Хурсандбек Атамуратов (баритон), Маман Жумабаев (баритон), Отемис Джуманиязов (тенор), Женисбек Пиязов (бас-баритон).

Фестивалде ябыу тантанаһына Евгений Светланов исемендәге Рәсәй дәүләт академия симфоник оркестры килә. Оркестрға Дмитрий Крюков дирижерлыҡ итә.

Был фестиваль Башҡортостан Республикаһы Башлығы булышлығында үткәрелә, инеү ирекле.

6+

https://www.bashinform.ru/news/culture/2024-07-16/k-450-letiyu-ufy-na-ii-festivale-romantika-oseni-vystupyat-zvezdy-stseny-3850230