Өфөлә «Китап байрамы» китап йәрминкәһе почта конвертына мисәт һуғыу менән асылды
Рәсәй почтаһы «Китап байрамы» халыҡ-ара китап йәрминкәһенә арналған конверт сығарҙы. Унда сараның символикаһы төшөрөлгән. Өфөнөң Совет майҙанында йәрминкәне асыу тантанаһы алдынан конвертҡа мисәт һуғыу тантанаһы уҙҙы.
Тантанала Башҡортостан Республикаһы Башлығы Радий Хәбиров, Федерация Советының фән, мәғариф һәм мәҙәниәт буйынса комитеты рәйесе Лилиә Ғүмәрова һәм Башҡортостан Республикаһының федераль почта элемтәһе идаралығы директоры Ленард Шафиҡов ҡатнашты. Һәр ваҡыттағыса ҡатнашыусылар конвертта үҙ ҡултамғаһын ҡалдырҙы һәм почта продукцияһын тотоп, иҫтәлеккә фотоға төштө.
Конверттың стандарт почта маркаһы бар, уның хаҡы Рәсәй буйлап ебәреү тарифына тап килә. Тиражы иһә 300 000 дана, тип хәбәр итте Рәсәй почтаһы республика идаралығының матбуғат секретары Борис Слуцкий.
Конверттарҙы Өфөнөң һәм Башҡортостандың почта бүлексәләрендә, шулай уҡ баш ҡаланың Совет майҙанында барған халыҡ-ара йәрминкәлә Рәсәй почтаһы стендында һатып алырға мөмкин. Ошо уҡ стендта конверттарға һәм открыткаларға «Китап байрамы» мисәтен ҡуйҙырып, теләһә ниндәй адресҡа хат ебәрергә була. Йәрминкә эше тамамланғас, махсус штемпелдең мисәтен Рәсәй почтаһы бүлексәһендә (Өфөнөң Ленин урамы, 28) ҡуйҙыртырға мөмкин.
24-26 майҙа Өфөлә икенсе «Китап байрамы» халыҡ-ара китап йәрминкәһе үткәрелә. Китаптарҙың исем туйы, яҙыусылар менән осрашыуҙар, автограф-сессиялар, оҫталыҡ дәрестәре, кино күрһәтеү һәм китаптарҙы һатыу-күргәҙмәһе ҡаралған.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.