Башҡортостанда «Урал батыр» эпосы буйынса буяу китабы донъя күрҙе
Ерҙәге иң боронғо эпостарҙың береһе «Урал батыр» балаларға яҡынайҙы. Башҡортостанда күренекле эпос буйынса буяу китабы донъя күрҙе.
Йыйынтыҡты «Шүлгәнташ мәмерйәһе» тарихи-мәҙәни музей-ҡурсаулығы әҙерләп сығарған.
Китап өсөн эпостан өҙөктәр һайлап алынған һәм уларға аҡлы-ҡаралы иллюстрация төшөрөлгән. Рәссамы иһә Башҡортостанда тыуып үҫкән, әле Санкт-Петербургта йәшәгән Рената Хәйҙәрова.
Музей-ҡурсаулыҡ директоры Фәүзил Маликов һөйләүенсә, эпос буйынса буяу китабы йәки комикс эшләү идеяһы менән улар күптән янып йөрөгән.
– Шүлгәнташ мәмерйәһен үҫтереү тураһында һүҙ алып барғанда, «Урал батыр» эпосын күҙ уңынан ысҡындырып булмай. Беҙҙең музей-ҡурсаулыҡ Шүлгәнташ һәм ундағы ҡаяға төшөрөлгән һүрәттәрҙе генә түгел, «Урал батыр»ҙың иҫтәлекле урынын һаҡлау һәм танытыу өҫтөндә эшләй. Мәмерйәнән тыш, был урынға Йылҡысыҡҡан, Ығышма күлдәре, Шүлгән йылғаһы һәм эпостағы башҡа киң билдәле объекттар инә. Маҡсатыбыҙ ябай – башҡорт халҡының мәҙәни мираҫын популярлаштырыу һәм һаҡлау. Эпосты кешелектең ҡаҙанышы булараҡ бәләкәй саҡтан үк өйрәнергә кәрәк. Балалар өсөн ауыр тексты төҫлө ҡәләмдәр ярҙамында үҙләштерергә мөмкин.
Китаптарҙың тәүге даналары таратылған да инде. 18 майҙа «Музейҙар төнө – 2024» Бөтә Рәсәй акцияһында төрлө конкурстар үтте. Әүҙем ҡатнашҡан кескәйҙәргә ошо баҫманы алып ҡыуанған.
Китап-буяу сикләнгән тираж менән донъя күргән. Уны Бөрйән районындағы «Шүлгәнташ» музейында һатып алырға мөмкин.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.