Өфөлә «Туғанлыҡ» фестивале призын күрһәттеләр
Башҡортостандың баш ҡалаһынан «Туғанлыҡ» тип яҙылған тирмә рәүешендәге һигеҙ бүләк төрлө ҡалаларға һәм илдәргә таратыла. Лауреаттарға улар 23 майҙа фестивалде ябыу тантанаһында тапшырыла. Был хаҡта «Туғанлыҡ» халыҡ-ара милли театрҙар фестиваленә арналған матбуғат конференцияһында хәбәр иттеләр.
Бүләкте Башҡорт драма театрының баш рәссамы Альберт Нестеров балсыҡтан эшләгән. Фестивелдең барлыҡ ҡатнашыусыларына ла фестиваль бренды төшөрөлгән тәрилкәләр әҙерләгәндәр.
«Башинформ» агентлығы хәбәр иткәнсә, «Туғанлыҡ» фестивале Өфөлә 16-23 майҙа Мәжит Ғафури исемендәге Башҡорт академия драма театры, Мостай Кәрим исемендәге Милли йәштәр театры һәм Өфө «Нур» татар дәүләт театры сәхнәләрендә үткәрелә.
Бығаса фестиваль «Төрки телле театрҙар фестивале» тип атала ине, хәҙер уның форматы киңәйҙе.
Фестивалдә 15 спектакль ҡатнаша, Башҡорт академия драма театрының «Ҡыҙыл паша» һәм махсус ҡунаҡ итеп саҡырылған А.С. Пушкин исемендәге Псков драма театрының М. Булгаков әҫәре буйынса «Морфий» спектаклдәре конкурстан тыш күрһәтелә.
Конкурс программаһында – Абхазия, Ҡаҙағстан, Ҡырғыҙстан, Башҡортостан, Татарстан, Төньяҡ Осетия-Алания, Марий Эл, Сыуашстан, Ҡалмыҡстан, Тыва, Дағстандан театр коллективтарының спектаклдәре. Кавказ театрҙары тәүге тапҡыр ҡатнаша.
- Бөгөнгө ҡатмарлы заманда беҙҙе берләштергән рухи ептәрҙе ҡәҙерләргә тейешбеҙ, - тине Башҡортостандың мәҙәниәт министры Әминә Шафиҡова. - Башҡорт драма театрының фестивалде асыу тантанаһында ҡатнашҡан «Ҡыҙыл паша» спектакле Кәрим Хәкимовҡа арналған.
«Туғанлыҡ» халыҡ-ара төрки телле театрҙар фестивале Өфөлә 1991 йылдан башлап үткәрелә.
https://www.bashinform.ru/news/culture/2024-05-16/v-ufe-pokazali-priz-festivalya-tuganlyk-3769059
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.