Башҡортостан һәм Өфө яңылыҡтары
93.44
0
99.58
0
87.29
+0.18
26+ °C
Болотло
Бөтә яңылыҡтар
Мәҙәниәт
20 Март , 12:39

Өфөлә Рәшит Ниғмәтиҙең шиғырҙар йыйынтығы Брайль шрифы менән нәшер ителде

Башҡорт әҙәбиәте классигы Рәшит Ниғмәтиҙең юбилей йылында М. Х. Төхвәтшин исемендәге һуҡырҙар республика махсус китапханаһында Брайль ҡабарынҡы-нөктәле шрифы менән «Һайланма лирика» шиғырҙар йыйынтығы баҫылып сыҡты. 

Китапхананың матбуғат хеҙмәте хәбәр итеүенсә, был баҫма ярҙамында китапхананың һуҡыр ҡулланыусылары Рәшит Ниғмәти ижадының жанр-стиль үҙенсәлеге менән танышырға мөмкин. Техник эшкәртеүҙән һуң яраҡлаштырылған баҫма һуҡырҙар өсөн үҙәк китапханаға һәм уның Белорет, Бәләбәй, Стәрлетамаҡ ҡалаларындағы филиалдарына тапшырыла.

Рәшит Ниғмәти 1959 йылда Мәжит Ғафуриҙан һуң Башҡорт АССР халыҡ шағиры исемен алған икенсе әҙәбиәтсе була. Ул шулай уҡ драматург, балалар яҙыусыһы булараҡ, боронғо рус әҙәбиәте ҡомартҡыһы «Игорь полкы тураһында һүҙ», Александр Пушкин, Михаил Лермонтов, Степан Злобин һәм башҡа яҙыусыларҙың әҫәрҙәрен башҡорт теленә талантлы тәржемә итеүе менән билдәле.

https://www.bashinform.ru/news/culture/2024-03-19/v-ufe-sbornik-stihov-rashita-nigmati-izdan-shriftom-braylya-3692419

Автор:Ләйлә Аралбаева
Читайте нас: