Башҡортостанда халыҡ шағиры Әнғәм Атнабаевҡа һәйкәл асылды
Тәтешле районында Башҡортостандың халыҡ шағиры, драматург Әнғәм Атнабаевҡа һәйкәл асыу тантанаһы үтте. Уның арабыҙҙан китеүенә һуң сирек быуат үткәс, Үрге Тәтешле ауылының Үҙәк район китапханаһы алдында уға һәйкәл ҡуйылды.
Скульптор шағирҙы эскәмйәлә ултырған итеп һүрәтләгән. Эскәмйәнән өҫтәрәк — мемориаль таҡтаташ, унда Әнғәм Атнабаевтың (1928-1999) шиғыр юлдары уйып яҙылған.
Һәйкәлдең авторы — билдәле скульптор Хәлит Ғәлиуллин. Һын Тәтешле районының социаль үҫеш хәйриә фонды аҡсаһына эшләнгән.
Һәйкәлде асыу тантанаһында Рәсәй Дәүләт Думаһы депутаты Эльвира Айытҡолова, Башҡортостандың мәҙәниәт министры урынбаҫары Ринат Ғайсин, Башҡортостан Дәүләт Йыйылышы — Ҡоролтай депутаты, Яҙыусылар ойошмаһы рәйесе Айгиз Баймөхәмәтов, Тәтешле районы хакимиәте башлығы Фәнүр Шәйхисламов, Татарстандан килгән ҡунаҡтар, Мәжит Ғафури исемендәге Башҡорт академия драма театры вәкилдәре ҡатнашты. Әнғәм Атнабаевты хөрмәтләп иҫкә алырға дуҫтары, коллегалары, яҡындары, Күрҙем ауылынан яҡташтары килгәйне. Улар сағыу һәм талантлы шәхес, тоғро дуҫ тураһында хәтирәләре, тәьҫораттары менән уртаҡлашты.
Шул уҡ көндө район мәҙәниәт һарайында «Күрҙем шишмәләре» шиғриәт конкурсының гала-концерты уҙҙы.
«Башҡорт драма театры сәхнәһендә Әнғәм Атнабаевтың 11 пьесаһы ҡуйылды, шуларҙан «Ул ҡайтты» һәм «Балаҡайҙарым» әҫәрҙәре буйынса спектаклдәр 1960 йылдан башлап өсәр тапҡыр сәхнәлә күрһәтелде» — тип билдәләне Башҡорт драма театры директоры Иршат Фәйзуллин.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.