II «Китап-байрам» халыҡ-ара йәрминкәһен уҙғарыу көндәре билдәле булды

24-26 майҙа Өфөнөң Совет майҙанында II «Китап-байрам» халыҡ-ара китап йәрминкәһе ойошторола. Байрамды әҙерләү һәм үткәреү мәсьәләһе буйынса эш кәңәшмәһе үтте. Иҫегеҙгә төшөрәбеҙ, был күләмле сара Башҡортостан Республикаһы Башлығы указына ярашлы уҙғарыла.

Республиканың яҙыусылар союзынан хәбәр итеүҙәренсә, йәрминкә программаһы бик ҡыҙыҡлы һәм бай булмаҡсы. «Китап-байрам» сиктәрендә Башҡортостан Яҙыусылар ойошмаһының 90 йыллығы билдәләнә. Шул уҡ көндәрҙә Рәсәй Яҙыусылар союзының күсмә пленумы була, унда илдең 30 төбәгенән яҙыусылар ҡатнаша.

Бынан алдараҡ «Башинформ» Өфөлә тәүге «Китап-байрам» халыҡ-ара китап йәрминкәһенең нисек үтеүе хаҡында яҙғайны.

https://www.bashinform.ru/news/culture/2024-03-01/stali-izvestny-daty-provedeniya-ii-mezhdunarodnoy-knizhnoy-yarmarki-kitap-bayram-3665624