Башҡортостанда яҙыусылар өсөн республика Башлығы гранттарының суммаһы 10 миллион һумға арта

Радий Хәбиров яҙыусыларға республика Башлығы гранттарының суммаһын 10 миллион һумға арттырырға вәғәҙә бирҙе. Был патриотик әҫәрҙәр ижад итеү кәрәклеге менән бәйле, тип белдерҙе Радий Хәбиров йома көндө Ауыл хужалығы министрлығының Колонналар залында уҙған республика яҙыусылары менән осрашыуҙа.

- Сумманы арттырыу яҙыусыларҙың махсус хәрби операцияла ҡатнашҡан яугирҙәрҙең ҡаһарманлығын һәм фронтҡа ярҙам иткән ирекмәндәрҙең, предприятиелар етәкселәренең эшмәкәрлеген әүҙем яҡтыртыу өсөн мөһим. Йәмғиәтебеҙҙең ошолай берҙәм булыуын күптән күргәнем юҡ ине. Күп кенә ир-егеттәр ҡыҫҡа ваҡытлы ялда, улар менән бында аралашырға мөмкин, - тип билдәләне Радий Хәбиров. - Әгәр кәштәләрҙә ятмаған лайыҡлы әҫәрҙәр ижад итһәгеҙ, халыҡ уларҙы уҡыр. Яҙыусылар ойошмаһы рухи тәрбиә йәһәтенән оло әһәмиәткә эйә, күп нәмә һеҙгә, яҙыусының һүҙҙәренә, шағирҙың һүҙҙәренә бәйле.

https://www.bashinform.ru/news/culture/2024-01-26/v-bashkirii-summa-grantov-glavy-dlya-pisateley-uvelichitsya-na-10-mln-rubley-3618611