Республикала яҙыусы Ишғәли Нурғәлиев менән бәхилләштеләр

13 ғинуарҙа Башҡортостанда прозаик Ишғәли Ширияздан улы Нурғәлиев 86-сы йәшендә арабыҙҙан китте. Ул Стәрлетамаҡтың әҙәби тормошонда әүҙем ҡатнашты, Рәсәй Федерацияһының һәм Башҡортостан Республикаһының Яҙыусылар союзы ағзаһы ине. Ошо көндәрҙә уны һуңғы юлға оҙаттылар.

Нурғәлиевтың «Ҡарабаш турғай», «Ресторан», «Минең медицинам» китаптары яңы тормоштоң барлыҡҡа килеү дәүерен, ауыл фажиғәһен, һуғышта кешенең фажиғәһен сағылдыра. Бер нимәгә ҡарамаҫтан, халыҡ тулы ҡанлы тормош менән йәшәгән, шатлана белгән, ижадҡа юл тапҡан. Уның геройҙары тормошҡа ғашиҡ, үҙ маҡсатына табан бара, тап ошо сифаттар хәҙерге әҙиптәр өсөн өлгө булып тора, тип яҙа «Башҡортостан әҙәбиәте» берләшмәһе.

«Башинформ» мәрхүмдең туғандарының һәм яҡындарының ауыр ҡайғыһын уртаҡлаша.

https://www.bashinform.ru/news/culture/2024-01-15/v-bashkirii-prostilis-s-pisatelem-ishgali-nurgalievym-3603764