Башҡортостанда «Коммерция училищеһы» мәҙәни мираҫ объектын һаҡлау предметы раҫланды

Башҡортостанда Бөрө ҡалаһының Курбатов урамындағы 59-сы йортта урынлашҡан «Коммерция училищеһы» төбәк әһәмиәтендәге мәҙәни мираҫ объектын (тарих һәм мәҙәниәт ҡомартҡыһын) һаҡлау предметтары раҫланды. Башҡортостандың мәҙәни мираҫ объекттарын дәүләт һаҡлауы буйынса идаралығының тейешле бойороғо рәсми хоҡуҡи мәғлүмәт сайтында баҫылған.

Документ тексында объект ентекле һүрәтләнә. Шулай уҡ мемориаль таҡтаташтар тураһында хәбәр ителә: «1941-1943 йылдарҙа ошо бинала Орел дәүләт педагогия институты урынлашҡан», «1923-1983 йылдарҙа бында Советтар Союзы Геройы Георгий Иустинович Мушников уҡыған» һәм «1920-1944 йылдарҙа бында Советтар Союзы Геройы Петр Георгиевич Корочкин уҡыған».

«Башинформ» Башҡортостанда Ҡатын-ҡыҙҙар гимназияһы мәҙәни мираҫ объектын һаҡлау предметы раҫланыуын да хәбәр иткәйне.

https://www.bashinform.ru/news/culture/2023-11-16/v-bashkirii-utverzhden-predmet-ohrany-ob-ekta-kultnaslediya-uchilische-kommercheskoe-3523381