Өфөлә ике тапҡыр Советтар Союзы Геройы Муса Гәрәев тураһында фильм төшөрөү тамамлана

Өфөлә данлыҡлы хәрби летчик-штурмовик, ике тапҡыр Советтар Союзы Геройы Муса Гәрәев тураһында анимация фильмы өҫтөндә эш тамамланып килә. 14 минутлыҡ фильмды быйыл декабрҙә үк күрһәтергә әҙерләнәләр.

- Муса Гәрәев тураһында фильм - бик ҙур һәм ҡатмарлы эш. Беҙ анимацияны ротоскоп техникаһында эшләйбеҙ. Башта бөтә актерҙарҙы киностудияла төшөрҙөк, монтажланыҡ, ә һуңынан уның буйынса кадрҙар төшөрә башланыҡ. Актерҙар булып Өфө дәүләт сәнғәт институтының театр факультетын тамамлаусылар сығыш яһаны, - ти рәссам-аниматор Дамир Мөхәмәтйәров.

Хәтерегеҙгә төшөрәбеҙ, Башинформ махсус хәрби операцияла һәләк булған Фәнис Хөсәйенов тураһында йәнһүрәт төшөрөргә йыйыныуҙарын хәбәр иткәйне.

https://www.bashinform.ru/news/culture/2023-11-03/v-ufe-zavershaetsya-rabota-nad-filmom-o-dvazhdy-geroe-sovetskogo-soyuza-muse-gareeve-3505419