Ейәнсурала Башҡорт гимназия-интернатының элекке директоры Альфред Ваһапов ваҡытһыҙ вафат булған

Ейәнсура районында республиканың компетентлы мәҙәниәт белгестәренең береһе Альфред Ваһаповты һуңғы юлға оҙаттылар. Уға 52 йәш ине. Хеҙмәттәштәре әйтеүенсә, ул 28 октябрҙә үк мәрхүм булған. Уның йәнһеҙ кәүҙәһен үлгәндән һуң бер нисә көн үткәс кенә тапҡандар, сәбәбе - йөрәк сире.

Альфред Ғәли улы Ваһапов 1971 йылдың 22 авгусында Ейәнсура районының Байыш ауылында тыуған. М.Аҡмулла исемендәге Башҡорт дәүләт педагогия университетын тамамлағандан һуң оҙаҡ йылдар райондың мәғариф өлкәһендә: Мәрйәм Бураҡаева исемендәге Башҡорт гимназия-интернатында математика һәм информатика уҡытыусыһы, директор урынбаҫары, директор булып эшләй.

2002 йылдан уның яҙмышы мәҙәниәт менән бәйле ине — методист, режиссер, район Мәҙәниәт йорто директоры булды. Барыһы ла уны яҡшы белгес, һәләтле, ихлас, эскерһеҙ кеше итеп хәтерләй. Альфред Ғәли улы шиғри мираҫ ҡалдырҙы.

«Башинформ» мәрхүмдең туғандарының һәм яҡындарының ауыр ҡайғыһын уртаҡлаша.

https://www.bashinform.ru/news/culture/2023-11-01/v-bashkirii-bezvremenno-skonchalsya-eks-direktor-bashkirskoy-gimnazii-internata-alfred-vagapov-3501519