Башҡортостанда «Асыш» йәш яҙыусылар конкурсына эштәр ҡабул итеү тамамланды

30 октябрҙә Башҡортостандың Яҙыусылар Союзы иғлан иткән «Асыш» конкурсына әҫәрҙәр ҡабул итеү тамамланды. Ойоштороусыларға башҡорт телендә — 30-ға яҡын, татар телендә 16 эш килгән.

Конкурс «Шоңҡар» һәм «Толпар» йәштәр журналдары ҡатнашлығында уҙғарыла, ҡатнашыусыларҙың иң яҡшы шиғырҙары һәм хикәйәләре ошо баҫмаларҙа донъя күргән.

Башҡортостандың Яҙыусылар союзынан хәбәр итеүҙәренсә, конкурсҡа йомғаҡ яһау һәм еңеүселәрҙе бүләкләү сараһы 15-30 ноябрҙә була, унда  Өфөлә Яҡутстан, Татарстан һәм Ҡабарҙы-Балҡар яҙыусылары ла килә. Лауреаттарға дипломдар һәм аҡсалата бүләктәр тапшырыла. Конкурстың приз фонды 200 мең һум тәшкил итә.

«Хәҙер Башҡортостандың йәш әҙәбиәте күтәрелеш кисерә, — тине республиканың Яҙыусылар союзы рәйесе, Дәүләт Йыйылышы — Ҡоролтай депутаты Айгиз Баймөхәмәтов. — Беҙ үткәргән конкурс шуны күрһәтте».

https://www.bashinform.ru/news/culture/2023-10-31/v-bashkirii-zavershilsya-priyom-rabot-na-konkurs-molodyh-literatorov-asysh-3500046