Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Мәҙәниәт
17 Октябрь 2023, 10:27

Башҡортостан йырсыһы «Ну-ка, все вместе!» федераль вокаль телешоуында ҡатнашты

видеонан скриншот
Фото:видеонан скриншот

Башҡортостанда билдәле йырсы, Башҡорт дәүләт филармонияһы солисы Әлфиә Ниғмәтуллина «Россия 1» каналында барған «Ну-ка, все вместе!» федераль вокаль проектында сығыш яһаны. Яҡташыбыҙ «Отчего так в России березы шумят» һәм «Ай, былбылым» йырҙарын башҡарҙы.

Төп сығышында ул 98 тауыш йыйҙы, ләкин үҙенең дәғүәсеһенән еңелде. Батлда Әлфиә «Эйфория» хиты менән ярымфиналға сыҡты.

Өфөнән 31 йәшлек йырсы бала сағынан йырлай, өс йәшенән сәхнәлә сығыш яһай. Музыка юғары уҡыу йортон тамамлағас, Әлфиә үҙенең тормошон джаз менән бәйләрмен тип уйлай, әммә ниндәйҙер мәлдә уның тыуған иленең мәҙәниәтенә һөйөү уяна.

«Моғайын, был ата-бабаларыбыҙ саҡырыуы булғандыр,  быны башҡаса аңлата алмайым», — ти йырсы.

«Башинформ» халыҡ -ара проекттарҙа даими ҡатнашҡан йырсы хаҡында бер нисә тапҡыр яҙғайны.

https://www.bashinform.ru/news/culture/2023-10-16/pevitsa-iz-bashkirii-vystupila-v-federalnom-vokalnom-teleshou-nu-ka-vse-vmeste-3480619

Автор:Ләйлә Аралбаева
Читайте нас: