Бөгөн Беренсе каналда «Бизон. Манекенсы эше» тигән детектив сериалдың премьераһы күрһәтелә башлай. Төп ролде Сергей Безруков башҡара.
Шуныһы иғтибарға лайыҡ: эпизодтарҙа Учалы тау-байыҡтырыу комбинаты карьерҙары ла күренеп ҡала, ә күмәк сәхнәләрҙә предприятиеның тау эшселәре ҡатнаша. Быйыл март айында төшөрөлгән фильмға бер юлы өс карьер — Йәштәр, Көнбайыш-Күл һәм Учалы карьеры, Үҙйылға руднигынан 27 эшсе йәлеп ителгән.
Сериалды Беренсе каналдың заказы буйынса Валерий Тодоровскийҙың «Мармот-фильм» компанияһы төшөргән. Сюжет буйынса, хәл-ваҡиғалар 1970 йылдарҙа бара. МУР-ҙың принципиаль һәм үҙһүҙле тәфтишсеһе Кирилл Бессонов (Сергей Безруков) манекенсы ҡыҙ Мила Никанорованың үлеменә бәйле эште тикшерергә тейеш.