«Милли кейем – халыҡтың визит карточкаһы»: Башҡортостан Башлығы Радий Хәбиров

Бөгөн Башҡортостанда Милли кейем көнө билдәләнә. Радий Хәбиров үҙенең телеграм-каналында республикабыҙҙа был байрамдың ике тапҡыр – апрелдең өсөнсө, сентябрҙең икенсе йомаһында үткәрелеүен иҫкә төшөрҙө. Башҡортостанда ошо күркәм сара өс йыл элек ойошторола башланы.

«Милли кейем – халыҡтың визит карточкаһы, унда уның тарихы, үҙенсәлеге, күңеле сағыла. Бөгөн уға ҡыҙыҡһыныуҙың артыуы өсөн шатмын. Республикабыҙҙа төрлө милләт вәкилдәре күп быуаттар дауамында тыныслыҡта һәм татыулыҡта йәшәй. Беҙҙең дуҫлыҡ, мәҙәниәттең төрлөлөгө, бер-береңде ихтирам итеү һәм ҡыҙыҡһыныу – бөгөн яуызлыҡҡа ҡаршы торорға ярҙам иткән төп байлыҡ һәм ҡеүәтле көс. Беҙ төрлө булһаҡ та, берҙәмбеҙ – һәр ваҡыт шулай булыр», - тип билдәләне Радий Хәбиров.

https://www.bashinform.ru/news/culture/2023-09-08/natsionalnyy-kostyum-vizitnaya-kartochka-naroda-glava-bashkirii-radiy-habirov-3424992