Рәсәй киноһы һәм театры йондоҙо Ирина Мирошниченко вафат

3 августа театр һәм кино йондоҙо, Рәсәйҙең халыҡ артисы Ирина Мирошниченко 82-се йәшендә донъя ҡуйған. Бер нисә көн элек актриса ауыр формалағы грипп менән дауаханаға оҙатылған. Артистканы реанимацияға күсерергә булғандар.

Медикаментоз кома хәлендәге Мирошниченконы үпкәне яһалма елләтеү аппаратына тоташтырғандар. Комала саҡта актрисаның йөрәге тибеүҙән туҡтаған.

Ирина Мирошниченко 1942 йылдың 24 июлендә Барнаул ҡалаһында тыуған. Тәүге тапҡыр Георгий Данелияның «Я шагаю по Москве» фильмында төшкән.

«Три сестры», «Чайка», «Вишневый сад», «Дядя Ваня», «Валентин и Валентина», «Эшелон» һәм башҡа спектаклдәрҙәге ролдәре менән билдәле. Актриса «Их знали только в лицо», «Андрей Рублев», «Дядя Ваня», «Вам и не снилось…», «Зимняя вишня»  һәм башҡа фильмдарҙа уйнаған.

1988 йылда Мирошниченкоға РСФСР-ҙың халыҡ артисы исеме бирелгән. 2021 йылда ул III дәрәжә «Ватан алдындағы ҡаҙаныштары өсөн» ордены менән бүләкләнгән.

https://www.bashinform.ru/news/culture/2023-08-03/umerla-zvezda-rossiyskogo-kino-i-teatra-irina-miroshnichenko-3371430