Әминә Шафиҡова «Атайсал» проекты сиктәрендә яҡташтарына йондоҙло концерт бүләк итте
Бөрйән районында Ырғыҙлы ауылының 270 йыллығы уңайынан башҡорт эстрадаһы йондоҙҙары ҡатнашлығында концерт үтте. Башҡортостандың мәҙәниәт министры Әминә Шафиҡова «Атайсал» проекты сиктәрендә яҡташтарына йыр-моң байрамы бүләк итте.
Ведомствоның матбуғат хеҙмәтенән хәбәр итеүҙәренсә, концертта Башҡортостандың халыҡ артисы Рәсүл Ҡарабулатов, Башҡортостандың атҡаҙанған артисы Заһир Иҫәнсурин, Башҡортостандың атҡаҙанған мәҙәниәт хеҙмәткәре Рәнис Алтынбаев, Бөтә Рәсәй һәм халыҡ-ара конкурстар лауреаты Гөлшат Ғирфанова ҡатнашты. Байрамдың көтөп алынған ҡунаҡтарының береһе Башҡортостандың атҡаҙанған артисы Радик Юлъяҡшин булды.
Бөрйән районының Ырғыҙлы ауылы — республикабыҙҙың мәҙәниәт министры Әминә Шафиҡованың тыуған төйәге. «Атайсал» проекты сиктәрендә ул өсөнсө йыл рәттән асыҡ һауала концерт үткәреүҙе ойоштора. Унан алдараҡ Әминә Шафиҡова ике балалар бейеү коллективына сәхнә костюмдары, «Умырзая» ансамбленә мандолиналар һәм теген машиналары бүләк иткәйне.
Бөрйән районы хакимиәтенең мәҙәниәт бүлеге етәксеһе Клара Теләүбаева әйтеүенсә, Әминә Ивний ҡыҙы был юлы ла буш ҡул менән килмәгән. Ведомство етәксеһе Бөрйән районының мәҙәниәт өлкәһе хеҙмәткәрҙәренә Башҡортостан Мәҙәниәт министрлығының почет грамоталары һәм рәхмәт хаттары тапшырҙы. Шулай уҡ Яңы Собханғол ауыл мәҙәниәт йортоноң «Ағиҙел һылыуҙары» һәм «Инсебикә» бейеү коллективтарына сәхнә костюмдары бүләк итте.
— Тыуған ауылымда мәҙәниәтте үҫтереүгә ярҙам күрһәтеп, мин ҡасандыр Ырғыҙлы ауылы клубы сәхнәһендә йырлау мөмкинлеге бирелгән кескәй Әминәгә ярҙам итәм тип уйлайым, — тине Әминә Шафиҡова.
Быйыл Ырғыҙлы ауылында ойошторолған концерт Йәштәр көнөнә тура килде, шуға бында Бөрйәндән генә түгел, күрше райондарҙың халҡы ла әүҙем йыйылды.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.