Өфөлә Башҡорт драма театры актрисаһы Фирҙәүес Ғиззәтуллина ҡапыл вафат булған

Кисә Өфөлә Мәжит Ғафури исемендәге Башҡорт академия драма театры актрисаһы Фирҙәүес Ғиззәтуллина ҡапыл вафат булған. Уға 49 йәш ине, алтын юбилейына биш көн ҡалғайны.

Театрҙың матбуғат хеҙмәтенән хәбәр итеүҙәренсә, актриса менән шәмбе, 24 июндә, сәғәт 11-ҙән төшкө 1-гә тиклем Көньяҡ зыяратта бәхилләшергә мөмкин.

Фирҙәүес Альберт ҡыҙы 1973 йылдың 27 июнендә Сибай ҡалаһында тыуған. 2003 йылдан Мәжит Ғафури исемендәге Башҡорт академия драма театрында эшләгән.

Сәнғәт институтын тамамлағас, ғаиләһе менән Мәскәү ҡалаһына күсенгән, унда төрлө ижади коллективтар менән рәссам сифатында хеҙмәттәшлек иткән.

Мәжит Ғафури исемендәге Башҡорт академия драма театрында Фирҙәүес Ғиззәтуллина рәссам-сценограф булараҡ М.Кәрим повесы буйынса «Оҙон-оҙаҡ бала саҡ» (режиссер А.Абушахманов) спектаклен, 2007 йылда Мостай Кәрим исемендәге Милли йәштәр театрында «Һаумы, әсәй!» (Гөлсирә Ғиззәтуллина, режиссер Рөстәм Хәкимов) моноспектаклен сәхнәләштергән.

Фирҙәүес Ғиззәтуллина башҡарған ролдәр: Румия («Оҙон-оҙаҡ бала саҡ», М.Кәрим), Герда («Ҡар королеваһы», Г.Х. Андерсен), Розаура («Кармен», П.Мериме) һәм башҡалар. Шулай уҡ ул күмәк сәхнәләрҙә уйнаған.

«Башинформ» мәрхүмәнең туғандарының һәм яҡындарының ауыр ҡайғыһын уртаҡлаша.

https://www.bashinform.ru/news/culture/2023-06-22/v-ufe-skoropostizhno-ushla-iz-zhizni-aktrisa-bashdramteatra-firdaus-gizzatullina-3310550