79.07
+0.33
Башҡортостан һәм Өфө яңылыҡтары
91.94
+0.04
62.51
+0.52
-5 °C
Болотло
Бөтә яңылыҡтар
Мәҙәниәт
19 Июнь 2023, 13:03
Силәбелә һабантуй үтте
Силәбелә һабантуй уҙҙы. Стәрлетамаҡ дәүләт театр-концерт берләшмәһенең Бейеү театры артистары һәм филармония солистары байрамды концерт программаһы менән асты.
Мәҙәниәт министрлығының матбуғат хеҙмәтенән хәбәр итеүҙәренсә, Гагарин исемендәге парктың төп сәхнәһендә сағыу тамаша ойошторолдо. Байрам ҡунаҡтары Башҡортостан артистарының сығышын көслө алҡыштар менән ҡаршы алды. Сығыштарҙан һуң тамашасылар ҡатнашыусыларға матур номерҙар өсөн рәхмәт белдерҙе, улар менән иҫтәлеккә фотоға төштө.
Һабантуйҙың абруйлы ҡунаҡтары араһында Башҡортостан мәғариф һәм фән министрының беренсе урынбаҫары Альберт Яримов, Силәбе өлкәһе мәҙәниәт министрының беренсе урынбаҫары Ирина Анфалова-Шишкина, Силәбе башлығының социаль үҫеш буйынса урынбаҫары Сергей Авдеев, Силәбе өлкәһенең Закондар сығарыу йыйылышы депутаты, Бөтә Рәсәй һәм Силәбе өлкә билбау көрәше федерацияһы президенты, «Башҡорт ҡоролтайы» йәмәғәт ойошмаһының Силәбе өлкәһе башҡарма комитеты рәйесе Морис Йосопов, Урал төбәгенең баш мөфтөйө, Силәбе һәм Ҡурған өлкәләре мосолмандарының Диниә назараты рәйесе, Силәбе өлкәһенең йәмәғәт палатаһы ағзаһы Ринат хажи-хәҙрәт Раев һәм башҡалар бар ине.
Байрамда аллеялар буйлап тирмәләр ҡоролдо һәм милли көнкүреш әйберҙәре күргәҙмәһе ойошторолдо. Силәбеләр башҡа халыҡтарҙың йәшәйеше менән танышты, милли ризыҡтарҙан ауыҙ итте, хатта уҡтан атып ҡараны.
- Һабантуй — тәьҫораттарға бай, сағыу ваҡиға. Бында һәр кем үҙенсәлекле башҡорт мәҙәниәте менән таныша алды. Стәрлетамаҡ дәүләт театр-концерт берләшмәһе артистары Башҡортостандың матди булмаған мәҙәни мираҫын һаҡлауға һәм үҫтереүгә булышлыҡ иткән үҙенсәлекле йыр-бейеүҙәр менән сығыш яһаны, — тине Стәрлетамаҡ дәүләт театр-концерт берләшмәһе директоры урынбаҫары Радик Ғиззәтов.
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».