Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Мәҙәниәт
7 Июнь 2023, 12:33

Башҡортостан «Китап» нәшриәте «Ҡыҙыл майҙан» фестивалендә көмөш диплом яуланы

Мәскәүҙә IX «Ҡыҙыл майҙан» китап фестивале үтте, унда Зәйнәб Биишева исемендәге Башҡортостан «Китап» нәшриәте лә ҡатнашты. Рәсәй халыҡтарының мәҙәни мираҫ йылына арналған китап программаһында нәшриәтебеҙ дипломдарға лайыҡ булды.

Нәшриәттең матбуғат хеҙмәтенән хәбәр итеүҙәренсә, Айгөл Камалиеваның «Башҡорт тамбуры тылсымы» китабы өсөн нәшриәт  көмөш диплом менән бүләкләнде.

Шулай уҡ «Китап» нәшриәте ошо китапты сығарған һәм Рәсәй халыҡтарының мәҙәниәтен, традицияларын һәм тарихын һаҡлауға өлөш индергән өсөн Рәсәй халыҡтары йортонан рәхмәт хаты алды. Дәүләт Думаһының милләттәр эштәре буйынса комитеты рәйесе Геннадий Семигин юғары һөнәри оҫталыҡ һәм Рәсәйҙең этномәҙәни байлығын популярлаштырыуға тос өлөш индергән өсөн тағы бер рәхмәт хатына ҡул ҡуйҙы.

- Коллективтың хеҙмәтен шулай  юғары баһалауҙары бик ҡыуаныслы, артабан да илһамланып ҡәҙерле уҡыусыларыбыҙҙы шатландырырбыҙ, - тип билдәләнеләр нәшриәттә.

https://www.bashinform.ru/news/culture/2023-06-07/bashkirskoe-izdatelstvo-kitap-na-knizhnom-festivale-krasnaya-ploschad-poluchilo-serebryanyy-diplom-3290687

Автор:Ләйлә Аралбаева
Читайте нас: