15 йәшлек Аиша Йыһаншина «Ирәндек моңдары» конкурсында гран-при яуланы
Сибайҙа башҡорт халыҡ йырҙарын башҡарыусыларҙың «Ирәндек моңдары» төбәк-ара конкурсына йомғаҡ яһалды. Конкурс башҡорт йыр сәнғәтен пропагандалауға һәм һәләтле йәш башҡарыусыларҙы асыҡлауға йүнәлтелгән.
Балалар араһында гран-приҙы Күгәрсен районынан 15 йәшлек Аиша Йыһаншина яуланы. Уға 20 мең һумлыҡ бүләк сертификаты һәм велосипед тапшырылды. Ҡыҙ Башҡортостан Республикаһының атҡаҙанған мәҙәниәт хеҙмәткәре Флорида Кәримовала уҡый һәм төрлө кимәлдәге конкурстарҙа даими ҡатнаша.
Сибайҙан Айсулпан Иҫәндәүләтова, Хәйбулланан Элина Ҡужагилдина һәм Сибайҙан Тимур Шаһивәлиев 6-11 йәшлектәр категорияһында беренсе урынға сыҡты.
Шулай уҡ II–III урындарҙы алыусылар, махсус призға лайыҡ булыусылар һәм дипломанттар билдәләнде. Бынан тыш, өлкән үҙешмәкәр һәм профессиональ башҡарыусылар араһында финалсылар иғлан ителде. Әлеге йәш категорияһында еңеүселәрҙең исемдәре май айында Сибайҙа «Урал аръяғы-2023» Бөтә Рәсәй инвестиция һабантуйы барышында билдәле була.
- Быйыл конкурста йәмғеһе 63 кеше ҡатнашты. Улар - Силәбе өлкәһенән, Әбйәлил, Баймаҡ, Белорет, Бөрйән, Ейәнсура, Иглин, Ишембай, Күгәрсен, Салауат, Өфө, Учалы, Хәйбулла райондарынан, Нефтекама, Сибай һәм Өфө ҡалаларынан, - тип хәбәр итте Республика халыҡ ижады үҙәгенең халыҡ ижады бүлеге мөдире Эльвира Әхмәтйәнова.
Конкурсты ойоштороусылар булып Башҡортостан Республикаһының Мәҙәниәт министрлығы, Республика халыҡ ижады үҙәге, Сибай ҡалаһы хакимиәте сығыш яһаны.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.