Өфөлә дирижер, гимн авторы Фәрит Иҙрисов ижади эшмәкәрлегенең юбилейын билдәләй

Башҡортостан Республикаһының Милли симфоник оркестры дирижер, республиканың халыҡ артисы Фәрит Иҙрисовтың ижади эшмәкәрлегенең юбилейына арналған симфоник музыка концертын тәҡдим итә.

Программала Фәрит Фәтих улы етәкселегендәге оркестр башҡарыуында классик музыка шедеврҙары: Заһир Исмәғилевтың «Салауат» симфоник поэмаһы һәм Петр Чайковскийҙың 5-се симфонияһы яңғырай. Концерт 14 февралдә «Башҡортостан» дәүләт концерт залында уҙа, тип хәбәр итә «Башинформ».

Фәрит Иҙрисов — Башҡортостан Дәүләт гимнының көй авторы, композитор, республиканың Дәүләт оркестры, Башҡорт опера һәм балет театры дирижеры. Уның ижади активында милли, рус һәм сит ил композиторҙарының 30-ҙан ашыу спектакле, Моцарт, Бетховен, Лист, Брамс, Чайковский, Прокофьев симфониялары һәм Рахманинов, Сен-Санс, Григтың фортепиано концерттары бар. Төрлө йылдарҙа ул Ш. Гуноның «Фауст», Дж. Вердиҙың «Бал-маскарад», П. Масканьиҙың «Ауыл намыҫы», Н. Римский-Корсаковтың «Ҡарһылыу», З. Исмәғилевтың «Урал илселәре» һәм «Аҡмулла» спектаклдәрен ҡуйыуҙа ҡатнашҡан.

https://www.bashinform.ru/news/culture/2023-02-14/v-ufe-dirizher-avtor-gimna-farit-idrisov-otmechaet-yubiley-tvorcheskoy-deyatelnosti-3142129