Башҡортостан һәм Өфө яңылыҡтары
80.89
+0.03
90.11
-2.03
65.28
+0.32
16+ °C
Болотло
Бөтә яңылыҡтар
Мәҙәниәт
13 Февраль 2023, 16:29

Киләһе йылдың яҙында Өфөлә Шаляпин музейы асыла

Киләһе йылдың яҙында Өфөлә Шаляпин музейын асыуҙары ихтимал. Был хаҡта хөкүмәттең Республикаға идара итеү үҙәгендә уҙған оператив кәңәшмәһендә Башҡортостан Башлығы Радий Хәбиров хәбәр итте.

Республика етәксеһе һүҙҙәренсә, музей өсөн Валериан Альбанов исемендәге ҡотопсолар музейы янындағы бина һайланған.

«Быйыл беҙ мөһим юбилей — бөйөк рус йырсыһы Федор Шаляпиндың тыуыуына 150 йыл тулыуҙы билдәләйбеҙ. Уның ижад юлының байтаҡ өлөшө Өфөлә үткән. Һәр хәлдә, ул бында башлаған. Өфөлә Шаляпин музейы өсөн бюджетҡа 70 миллион һум һалынған. Киләһе йылдың яҙына йәки күренекле йырсының киләһе тыуған көнөнә ошо музейҙы асырға кәрәк», — тине Радий Хәбиров.

Башҡортостан Башлығы бөгөн опера һәм балет театрында күренекле йырсының тыуыуына 150 йыл тулыуға арналған тантаналы сара буласағын да хәтергә төшөрҙө.

https://www.bashinform.ru/news/culture/2023-02-13/muzey-shalyapina-v-ufe-otkroyut-vesnoy-sleduyuschego-goda-3140929

Читайте нас: