Башҡортостан һәм Өфө яңылыҡтары
69.34
0
75.41
0
84.91
-1.75
-10 °C
Ҡар
Бөтә яңылыҡтар
Мәҙәниәт
18 Ғинуар , 10:54

Асҡар Абдразаҡов Рәсәйҙең Мәҙәниәт министрлығы ҡарамағындағы Йәмәғәт советы составына инде

Олег Яровиков
Фото:Олег Яровиков

Башҡорт опера һәм балет театрының художество етәксеһе, Рәсәйҙең атҡаҙанған, Башҡортостандың халыҡ артисы Асҡар Абдразаҡов Рәсәйҙең Мәҙәниәт министрлығы ҡарамағындағы Йәмәғәт советы составына инде. 2022 йылдың 12 декабрендә Рәсәйҙең мәҙәниәт министры Ольга Любимова тейешле бойороҡҡа ҡул ҡуйған.

Рәсәй Мәҙәниәт министрлығы ҡарамағындағы Йәмәғәт советы составында билдәле ижади шәхестәр, мәҙәниәт ойошмалары вәкилдәре бар. Асҡар Абдразаҡов иһә Рәсәй мәҙәниәт хеҙмәткәрҙәре профессиональ союзының республика ойошмаһы вәкиле.

«Әлеге осорҙа был бик маҡтаулы, тәү сиратта республикабыҙ, ғөрөф-ғәҙәттәребеҙ, сәнғәтебеҙҙең юғары кимәлдә булыуы һәм Рәсәйҙә тороуы өсөн ғорурлыҡ булып тора. Республика Башлығы мәҙәниәткә ҡарата дөрөҫ сәйәсәт алып бара: 30 декабрҙә Башҡортостан тарихында тәүге тапҡыр республика мәҙәниәтен һәм сәнғәтен үҫтереү мәсьәләләре буйынса Советҡа йыйылдыҡ. Ил тарихы өсөн еңел булмаған осорҙа үҙебеҙ өсөн Башҡортостан ижади биографияһының яңы битен асыуыбыҙ бик мөһим һәм ҡыуаныслы», — тине Асҡар Әмир улы.  
Автор:Ләйлә Аралбаева
Читайте нас в