«Юлдаш» радиоһы коллективы «БуранФМ» спектаклен сәхнәләштерҙе
«Юлдаш» радиоһы коллективы тәүге тапҡыр спектакль сәхнәләштерҙе, ә республиканың төп телеканалы уның буйынса кино төшөрҙө. «БуранФМ» — йәш ғаилә, мөхәббәт һәм ябай кешеләр яҙмышында «Юлдаш» радиоһының уйнаған роле тураһында.
Коллектив көн дә 24 сәғәт эфир уҙғарған арала ике ай дауамында спектакль әҙерләп, 30 июндә уны «Башҡортостандың иң әүҙем ауылы» конкурсында еңгән Әбйәлил районы Күсем ауылы клубында халыҡ хөкөмөнә сығарҙы.
Әбйәлилдә рухланған, илһам алған коллектив спектаклде Өфө тамашасыһына күрһәтергә, тигән хыял менән ҡайтты. Был идеяны телевидениела эшләгән хеҙмәттәштәре лә күтәреп алды һәм тулы метражлы телеспектакль төшөрөп, республика халҡына күрһәтергә хәл итте.
Пьесаның авторы – йәш алып барыусы Айбулат Сәсәнбаев, спектаклгә көйҙәрҙе композитор Р. Арҫланов яҙҙы, аранжировкалаусы – Азат Әмирханов, сәхнәгә ҡуйыусы режиссер – Зилә Лира, идея авторы һәм проект етәксеһе — Миләүшә Ғәлиева.
Спектаклдең телеверсияһын ижади төркөм менән режиссер Франгизә Илбәкова тормошҡа ашыра. Ролдәрҙе төрлө бүлек мөхәррирҙәре, реклама һәм СММ белгестәре, алып барыусылар, тауыш режиссерҙары башҡарҙы. Төп ролдәрҙә — «Теге өсәү» проекты алып барыусылары.
Спектакль 26 декабрҙә «Родина» кинотеатрында күрһәтелә. Киске сәғәт 7-лә башлана, инеү ирекле.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.