Миландың «Ла Скала» опера театрында яңы миҙгелде Илдар Абдразаҡов асты
7 декабрҙә Италияның Милан ҡалаһында «Ла Скала» опера театры Мусоргскийҙың «Борис Годунов» операһы менән асылды. Төп ролдә — Илдар Абдразаҡов. Был хаҡта Өфөлә тыуып үҫкән опера йырсыһы, Башҡортостандың, Татарстандың халыҡ артисы һәм Рәсәйҙең атҡаҙанған артисы фондының социаль селтәрҙәре хәбәр итә.
Илдар Абдразаҡов миҙгелде асыу тантанаһында алтынсы тапҡыр ҡатнашты. Премьеранан һуң йырсы опера театрынан тура трансляция алып барҙы. Мин беренсе тапҡыр был театрҙа операны рус телендә башҡарҙым, ти Илдар.
«Мономахтың башлығы ауыр, ләкин беҙ быны эшләнек!» — тине яҡташыбыҙ һәм үҙенең сәхнәләге коллегаларын күрһәтте.
Сәхнәлә 1869 йылғы әҫәрҙең музыкаль редакцияһы яңғыраны. Илдар Абдразаҡов театрға тап ошо версияны һайларға тәҡдим иткән.
«Бер нисә йыл элек Риккардо Шайи менән фекер алышҡанда «Борис Годунов»ты башҡарыу идеяһы килеп тыуҙы, сөнки ул — түбән тауыш өсөн яҙылған бөйөк операларҙың береһе. Тап ошо версияны ҡуйыу минең идеям ине. Ниһайәт, ул тормошҡа ашырыла. Был миҙгелдә мин тәүге тапҡыр Миланда операны рус телендә йырлайым», — тине Илдар Абдразаҡов премьера алдынан.
Спектаклдә ҡатнашҡан артистарҙың күбеһе — рус милләтенән: Норберт Эрнст (Василий Шуйский), Айн Ангер (Пимен), Дмитрий Головнин (Григорий Отрепьев), Алексей Марков (Андрей Щелкалов), Станислав Трофимов (Варлаам), Ярослав Абаимов (Юродивый), Анна Денисова (Ксения), Лилли Йорстад (Федор) һәм башҡалар.
Премьера ысын мәғәнәһендә шау-шыу тыуҙырҙы. Залға инә алмағандар «Борис Годунов» операһының трансляцияһын ҡарау өсөн ҡала экрандары эргәһенә йыйылды. Спектаклде Еврокомиссия башлығы Урсула фон дер Ляйендың ҡарауы ла билдәле булды. Журналистар менән аралашҡанда ул рус операһын яратыуын әйтте.
«Мин матур операны яратам. Мусоргский, Чайковский — иҫ киткес шәп. Беҙ уны хөрмәт итергә тейешбеҙ», — тине Урсула фон дер Ляйен.
Төп партияны Илдар Абдразаҡов башҡарған опера йәнә алты тапҡыр күрһәтелә: 10, 13, 16, 20, 23 һәм 29 декабрҙә.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.